Gəncə şəhərində tikilməsi nəzərdə tutulan yeni stadionun istifadəyə veriləcəyi tarix bəlli olub.

Məlumata görə, Gənclər və İdman Nazirliyinin tikəcəyi yeni arenanın 2025-ci ilə qədər tamamlanması nəzərdə tutulub. Artıq bu istiqamətdə işlərin başladığı da bildirilir.

Yaxın günlərdə Gəncə şəhər stadionunun sökülməsinə start veriləcək.

Xatırladaq ki, ölkənin ikinci böyük şəhərində müasir standartlara cavab verən yeni tikiləcək stadionun azarkeş tutumunun 16 min olması gözlənilir.

Məsələ ilə bağlı “Kəpəz” klubunun İdarə Heyətinin sədri İlqar Nadiri "İdman Xəbərə" verdiyi açıqlamada xəbəri təkzib etməyib:

“Bu yöndə işlər gedir. Çalışırıq ki, hər şey Gəncə adına gözəl olsun. Biz də klub rəhbərliyi olaraq bu istiqamətdə işlərimizi tam sürətlə davam etdiririk. Gəncə üçün nəsə gec ola bilər, amma əmin olun ki, hər şeyin ən yaxşısı burda olur. Bu gün sponsor yoxdur, yaxşı stadion yoxdur, ancaq hamısı olacaq. Özü də ən qısa zamanda”.