2023-cü ilin ilk 6 ayında BP şirkətinin işçiləri olan Azərbaycan vətəndaşlarının sayı 28 nəfər azalıb.

2023-cü ilin ikinci rübün sonunda BP şirkətinin işçiləri olan Azərbaycan vətəndaşlarının sayı 2349 nəfər olub və bura müddətli müqavilə əsasında işləyən işçilər də daxildir.

Bu barədə BP-Azərbaycandan Marja-ya bildirilib.

Qeyd edilib ki, 2018-ci ilin ortalarından BP-nin ixtisaslı işçilərinin 90%-ni milli kadrlar təşkil edir. İxtisası olmayan işçilər isə 100% yerli vətəndaşlardan ibarətdir.

Xatırladaq ki, 2022-ci ilin ikinci rübün sonunda BP şirkətinin işçiləri olan Azərbaycan vətəndaşlarının sayı 2268 nəfər təşkil edirdi.

2022-ci ilin sonunda isə BP şirkətinin işçiləri olan Azərbaycan vətəndaşlarının sayı 2377 nəfər olub.