“Azərbaycanda şəhər-rayon yolları, iç yollar, yəni ikinci əhəmiyyətli yolların yurisdiksiyası ilə bağlı problem var. Bəziləri “Azəryolservis”in nəzdindədir, bəziləri İcra Hakimiyyətlərinin, hətta bəzi yollar Bələdiyyənin balansındadır. Burada çox ciddi idarəetmə problemi var”.

Bu sözləri iqtisadçı-ekspert Natiq Cəfərli deyib.

“Normalda budur ki, Böyük Şəhər, rayon Bələdiyyələri yaradılmalıdır. Birbaşa Bələdiyyə başqanı seçkiləri olmalıdır. Bütün iç, ara, respublika əhəmiyyətli olmayan yolların təmiri bələdiyyə məclisinə, sədrinə tapşırılmalıdır. Onlar da vətəndaş qarşısında məsuliyyətli şəkildə bu işi yerinə yetirməlidirlər. Necə ki, bunu qardaş Türkiyədə görürük. Qonşu ölkələrdən Gürcüstan da eyni qaydada idarə olunur. Avropa ölkələrində isə bu qayda çoxdan var. Böyük Şəhər Bələdiyyələrinin yaradılması infrastruktur layihələrində müsbət təsir göstərə bilər”, — ekspert bildirib.