"Biz Azərbaycanda Avropa İttifaqının İnkişaf Agentliyini yaratmaq istəyirik"

Bunu Avropa İttifaqının Azərbaycandakı Nümayəndəliyinin əməkdaşlıq məsələlərinin koordinatoru Viktor Bojkov deyib.

O bildirib ki, Avropa İttifaqı ilə Azərbaycan arasında uğurlu əməkdaşlıq mövcuddur.

"Hazırda biz əməkdaşlıq və tərəfdaşlıq sazişini yeniləməkdəyik. Avropa İttifaqı Azərbaycanla strateji tərəfdaşlığını Şərq tərəfdaşlığı kontekstində görür. Azərbaycanın böyük investisiya potensialı var. Avropa İttifaqının ayırdığı maliyyədən effektiv istifadə etmək və həmçinin digər investorları cəlb etmək lazımdır. Bu, ölkə daxilində kreditləşməyə və investisiya potensialına müsbət təsir edəcək".