Gəncə şəhər stadionu yeni mövsüm üçün hazırlanır.

Bu barədə "Kəpəz"in İdarə heyətinin sədri İlqar Nadiri məlumat verib.

Onun sözlərinə görə, artıq ot örtüyü yenilənib və yeni mövsümdən “Kəpəz” ev oyunlarını Gəncədə keçirəcək:

"Akademiya istifadəyə verildikdə hər şey yenilənəcək. Sadəcə, tribunalar hazırkı kimi qalacaq. Bugün üçün tribunalarla bağlı nəsə bir yenilik yoxdur. Klubun daxili imkanı o qədər böyük deyil ki, stadionu söksün və yenidən tiksin. Bu kifayət qədər böyük layihədir".