Rusiyanın Sankt-Peterburq şəhərində ucaldılan dahi Azərbaycan şairi Nizami Gəncəvinin heykəli baxımsız vəziyyətdədir.

Bu barədə "Pravda"-ya şəhər sakinləri məlumat verib.

Sakinlərin sözlərinə görə, şəhərin Kamennoostrovski prospektində yerləşən dahi şairin abidəsi baxımsız vəziyyətdə qalıb və xeyli müddətdir abadlaşdırma işləri aparılmır. “Aidiyyatı qurumlar sözügedən abidənin bərbad vəziyyətdə olması ilə bağlı hər hansı tədbir görmür”, deyə sakinlər bildirib.

Hazırda baxımsız vəziyyətdə qalan abidənin fotolarını təqdim edirik.

Qeyd edək ki, dünyanın mədəniyyət mərkəzlərindən sayılan Sankt-Peterburqda Nizami Gəncəvinin abidəsi 2002-ci ildə açılıb.