“Gəncə şəhəri Atatürk prospekti 531 ünvanında yerləşən 3800 inventar nömrəli yerli əhəmiyyətli tarixi-memarlıq abidəsində qanunsuz təmir işlərinin aparıldığı aşkar edilib. Aparılan təmir işləri dayandırılıb”.

Bunu APA-ya Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətindən bildiriblər.

Qeyd olunub ki, müdaxilə faktı ilə bağlı qanuna müvafiq tədbirlər görülməkdədir.

XIX əsrə aid olan yerli əhəmiyyətli tarixi-memarlıq abidəsi yaşayış evi kimi istifadə olunur.