Gəncədə "Azərbazalt" MMC-nin sifarişi ilə orqanik gübrə istehsalı zavodu inşa edilir.

GancaPost.info xəbər verir ki, "Azərbazalt" MMC-nin təsisçisi Rafət Əliyev bildirib ki, müəssisədə hazırda, anbar, qonaq evi, inzibati və digər yardımçı binaların tikinti işləri həyata keçirilir. Zavodda Göygöl rayonunun 10,8 hektar ərazisi olan Çaykənd yatağından çıxarılan bazalt emal ediləcək. İstehsal edilən məhsul yerli fermerlərin, aqronomların idxaldan asıllığını azaldacaqdır. Həmçinin, gələcəkdə istehsal olunacaq məhsulun Avropa bazarına da ixracı nəzərdə tutulur.

Gəncə Şəhər İcra Hakimiyyətinin başçısı Niyazi Bayramov "Azərbazalt" MMC-nin sifarişi ilə həyata keçirilən yeni zavodun tikinti işlərinin gedişatı ilə yerində tanış olub.