"Kəpəz"in baş məşqçisi Tərlan Əhmədov "Kəpəz" - "Zirə" oyunundan sonra jurnalistlərin suallarını cavablandırıb.
Baş məşqçi bunları deyib:
"Biz oyundan bir gün əvvəl bu stadionda məşq edirik. Meydançanın üstü bağlanmamalıdır. Bizdə isə bağlayırlar. Torpaq günəş şüası almadığına görə vəziyyət acınacaqlıdır. Mən burada məşq etmirəm. Komanda betonun üstündə məşq edir. Əvəzedici heyətimiz də bizim məşq meydançamızda oyunlar keçirir. Bəzən olur ki, 2 saatlıq məşqi 45 dəqiqəyə keçirəm".
"Vəziyyətimiz çətindir. Komandanın tərcüməçisi yoxdur. Mən 3 dildə danışıram. Bəzən isti su olmur, futbolçular məşqdən sonra gedib evdə çimirlər. Özünüz mövsümün sonunda görəcəksiniz. Artıq normal, söz-söhbətsiz komanda da işləmək istəyirəm. Komandanın 2 əsr yaşı var. "Kəpəz"ə belə laqeyd münasibət göstərmək olmaz. Avtobusu, tərcüməçisi, vitamini olmayan komadanın Premyer-liqada qalmasına çalışıram. Mövsümün sonunda istirahət etmək istəyirəm. Stress yaşayıram".
"Biz də istəyirik ki, şəraitimiz olsun. Bu gün Gəncədə futbolçu yetişmir. Bizə dəstək lazımdır. Hamıya dəstək var, "Kəpəz"ə yoxdur. Niyə?"