Gəncə Şəhər İcra Hakimiyyəti Gəncədə İdman Sarayının tikinti işlərinin davam etdirilməsi ilə bağlı elan etdiyi növbəti açıq tenderə yekun vurub.

GancaPost.info xəbər verir ki, dövlət satınalmaları portalındakı məlumata görə, tenderin qalibi yenə də "Rövşən Oğuz Qrup" MMC-dir.

Qalib olan şirkətə 28 milyon 663 min manat ödəniləcək.

Xatırladaq ki, bundan əvvəl Gəncə İdman Sarayının tikintisinə tenderlər üzrə müxtəlif vaxtlarda 4 milyon 600 min manat, 1 milyon 800 min manat, 9,4 milyon manat, 5 milyon manat, 15 milyon manat və 10 milyon manat ayrılıb.

Rəqəmlərdən də göründüyü kimi, şəhər İcra Hakimiyyəti Gəncədə İdman Sarayının tikintisi üçün "Rövşən Oğuz Qrup" MMC-yə ümumilikdə 73 milyon manata yaxın vəsait ayırıb.