Gəncə Regional İcma Mərkəzinin təşkilatçılığı ilə Gəncənin Natəvan qəsəbəsində uşaq bağçasının olmaması problemi ilə bağlı ictimai müzakirə təşkil olunub.

GancaPost.info xəbər verir ki, müzakirədə adıçəkilən qəsəbə sakinləri, vətəndaş cəmiyyəti təmsilçiləri, Gəncə-Daşkəsən Regional Təhsil İdarəsinin nümayəndəsi Vüsalə Balayeva və millət vəkili Müşfiq Cəfərovun köməkçisi Sahib Əmiraslanov iştirak edib.

Tədbirdə qəsəbədəki mövcud vəziyyət, sakinlərin uşaq bağçası ilə bağlı qarşılaşdıqları problemlər müzakirə edilib.

Görüşün keçirilməsində əsas məqsəd hakimiyyət orqanları ilə icma üzvləri arasında ictimai dialoqun yaradılması yolu ilə yerli problemin həllinə nail olmaqdadır.