“Gəncədə 5-6 mərtəbədən hündür binaların tikilməsi qadağan edilsin”.

Bunu Milli Məclisin keçirilən iclasında deputat Naqif Həmzəyev bildirib.

Deputat qeyd edib ki, Gəncə seysmik ərazidə yerləşir, şəhərdə binalar və xəstəxanalar mütləq müvafiq seysmoloji tələblər əsasında tikilməlidir: “Kahramanmaraş şəhərinin yerləşdiyi piltə kəsişməsi ərazisində yerləşən regionda 1138-ci ildə baş vermiş böyük Aleppo zəlzələsindən cəmi 1 il sonra 1139-cu ildə Gəncədə güclü zəlzələ olub və Göygöl yaranıb. Bu tarixi hadisə mütləq tikintilər zamanı nəzərə alınmalıdır. Aidiyyəti qurumlar bu məsələyə nəzarəti artırmalıdır. Binalar 5 mərtəbədən yüksək olmamalıdır. Əhalinin həyatı təhlükəyə atılmalı deyil. İnanıram ki, şirkətlər pul qazanmaq naminə vətəndaşların faciəsinə yol açmayacaq”, - deyə deputat parlamentdə məsələ qaldırıb.