Türkiyənin Malatya şəhərində zəlzələ nəticəsində uçan binanın dağıntıları altında qalaraq həlak olan Şahin Vəliyev dəfn olunub.

Mərhum Gəncənin Səbiskar qəbiristanlığında torpağa tapşırılıb. 

Dəfn mərasimində Ş.Vəliyevin yaxınları, dostları, şəhər icra hakimiyyətinin təmsilçiləri, Türkiyənin Gəncədəki Baş konsulluğunun əməkdaşları və ictimaiyyət nümayəndələri iştirak ediblər.

Qeyd edək ki, 21 yaşlı Şahin Vəliyev İnönü Universitetində İdman menecerliyi ixtisasında oxuyub. Malatya şəhəri Zəfər məhəlləsində yaşayıb.