Gəncədə 11 nömrəli marşrut xətti üzrə işləyən avtobus sürücüləri gündəlik planın artırılmasına etiraz edirlər.

Məlumata görə, gündəlik plan 27 manat qalxdığı üçün avtobus sürücüləri xəttə çıxmaqdan imtina ediblər.

Əvvəllər şirkətdə gündəlik plan 85 manat olduğu halda, sürücülərdən gündəlik planın qalxdığı və 112 manat olduğu bildirilib.

Məsələ ilə bağlı Rəqəmsal İnkişaf və Nəqliyyat Nazirliyi yanında Yerüstü Nəqliyyat Agentliyindən (AYNA) bildirilib ki, hadisədən xəbərdardırlar:

"Gəncə şəhərində 11 nömrəli marşrut xəttində sürücülər şirkətdaxili narazılıqla əlaqədar xəttə çıxmaq istəməyiblər.

AYNA tərəfindən daşıyıcı və sürücülərlə söhbət aparılıb. Daşıyıcılara belə hallara yol verməmələri barədə xəbərdarlıq edilib. Hazırda 11 nömrəli marşrutun fəaliyyəti tam bərpa edilib".