Gürcüstanın Tsalencixa Şəhər Bələdiyyəsində 1-ci sinif şagirdlərinin qida ilə təmin edilməsi proqramı başlayıb.

GancaPost.info Gürcüstanın "Aktual Media" portalına istinadən xəbər verir ki, Tsalencixa Şəhər Bələdiyyə Məclisinin qəbul etdiyi qərarında qeyd olunub.

Bildirilir ki, proqram fevralın 1-dən həyata keçiriləcək və bütün 1-ci sinif şagirdlərinə gündəlik 4 lari yardım göstəriləcək. Bundan əlavə, proqram ildə 180 günlük təhsil müddəti üçün nəzərdə tutulub.

“Proqrama əsasən, 1-ci sinif şagirdlərinə bank kartları veriləcək və onlar yalnız qida obyektlərində istifadə edə biləcəklər. Uşağın maraqlarına uyğun olaraq kartın istifadəsi müəyyən qədər məhduddur. Kart vasitəsilə bankomatdan pul çıxarmaq, həmçinin kartdan onlayn ödənişlər üçün istifadə etmək mümkün deyil”, - Tsalencixa Şəhər Bələdiyyə Məclisinin qərarında deyilir.

1-ci sinif şagirdlərinin qida ilə təminatının maliyyələşdirilməsi Tsalencixa Şəhər Bələdiyyəsinin büdcə ayırmaları çərçivəsində həyata keçirilir.