"Gəncə Hüquq və Media Mərkəzi"ndə UEFA-nın pro lisenziyalı məşqçilərindən biri olan Etibar İbrahimov futbol azarkeşləri ilə görüş keçirib.

GancaPost.info xəbər verir ki, görüşdə Gəncə futbolunun, uşaq futbolunun problemləri müzakirə olunub.

Diskussiya xarakterli görüşdə fikir mübadiləsi aparılıb, fanatları maraqlandıran suallar cavablandırılıb.

Xatırladaq ki, Etibar İbrahimov Almaniyanın “Ayntraxt” (Frankfurt) klubunun Akademiyasında məşqçi çalışır.

Azərbaycanın U-19 milli komandasında köməkçi-məşqçi funksiyasını yerinə yetirib.

Hindistan millisinin U-19 yığmasında alman mütəxəssis Nikolay Adamın köməkçisi kimi çalışıb.

Bir müddət "Kəpəz" futbol klubunun baş məşqçisi olub.

Etibar İbrahimov Almaniyanın “Borussiya” (Münhenqladbax), “Ayntraxt Frankfurt”, “Bayer” (Leverkuzen) və Rusiyanın “Zenit” klublarında təcrübə keçib.

Qeyd edək ki, Gəncə futbolunun problemləri ilə bağlı azarkeşlərin analoji görüşlər keçirilməsi nəzərdə tutulub.