Gəncə şəhəri Mikayıl Hüseynov küçəsi 5 nömrəli bina qəzalı vəziyyətdədir.

Sakinlər bildirirlər ki, yaşayış binasının daxilində tavan və pilləkənləri uçur. Tavandan aşınan beton daş parçalar yerə tökülür.

Saytımıza göndərilən fotoları təqdim edirik:

Məsələ ilə bağlı Gəncə şəhər İcra Hakimiyyətindən GancaPost.info-ya verilən məlumata görə, sözügedən binaya müvafiq qurumlar tərəfindən baxış keçirilmiş, akt tərtib edilərək, qəzalı binaların siyahısına əlavə edilmişdir. Hazırda Gəncə şəhərindəki qəzalı vəziyyətdə olan binaların təmiri ilə bağlı aidiyyəti qurumlara müraciət ünvanlanmışdır.