Gəncənin "Xan arxı" daşıb. Sakinlər bildirirlər ki, şəhərin Təbriz küçəsi boyunca çirkab suları axır. Arxın daşması nəticəsində kanala atılan tullantılar ətrafa yayılıb.

Məsələ ilə bağlı Gəncə şəhər İcra Hakimiyyətindən verilən məlumata görə, mövcud vəziyyət "Xan arxı"nın daşması səbəbi ilə yaranmışdır. Aidiyyəti qurumun işçiləri hazırda ərazidə təmizlik işləri aparırlar. Təkrar xatırladaq ki, "Xan arxı"nın daşmasına səbəb sakinlərin arxı məişət tullantıları ilə çirkləndirməsidir.