Gəncədə yerləşən Azərbaycan Texnologiya Universiteti, Gəncə Dövlət Universiteti və Azərbaycan Dövlət Aqrar Universitetində ümumilikdə 470 nəfər xarici ölkə vətəndaşı təhsil alır.

"KəpəzTv"-nin məlumatına görə, bu sırada Azərbaycan Dövlət Aqrar Universiteti 388 tələbə ilə ilk sıradadır.

Gəncə Dövlət Universitetində isə ümumi 70 əcnəbi tələbə təhsil alır. Əcnəbi tələbələr tək attestatla qəbul olur, ödənişli əsaslarla oxuyurlar. Həmçinin təhsil haqqlarına 50% güzəşt olunur.

Xarici tələbələrin içərisində İran, Türkiyə, Gürcüstan, Rusiya vətəndaşları da var.

Azərbaycan Texnologiya Universitetində isə 12 əcnəbi tələbə təhsil alır. Onlar qardaş ölkə Türkiyə, Gürcüstan və Rusiya vətəndaşlarıdır.