Bu il Gəncə şəhərinin müxtəlif ərazilərində 13 məhəllənin abadlaşdırılması məqsədi ilə işlərə başlanılıb.

GancaPost.info xəbər verir ki, Gəncə şəhər Mənzil Kommunal Təsərrüfatı İstehsalat Birliyindən verilən məlumata görə, layihə əsasən şəhərin su-kanalizasiya xəttlərinin çəkilməsi işlərinin tam yekunlaşdığı ünvanları əhatə edir. Layihə çərçivəsində məhəllədaxili yollar asfaltlanacaq. Sakinlərin rahatlığı və istirahəti üçün ərazilərə yaşıllıq zolağı salınır, skamyalar qoyulur. Bundan başqa binaların qarşısında uşaqların əylənməsi üçün əyləncə və idman qurğuları da quraşdırılacaq.

Xatırladaq ki, layihəyə əsasən Gəncə şəhərindəki çoxmənzilli yaşayış binalarının həyətlərində “Abad məhəllə”lərin yaradılmasına başlanılıb.