"Sürücülər yollarda avtomobil istifadə edə bilmirlər".

GancaPost.info xəbər verir ki, bu sözləri Parlamentin növbədənkənar plenar iclasında deputat Naqif Həmzəyev deyib.

Deputat qeyd edib ki, Gəncədə daxili yollarda hələ də problemlər mövcuddur: “Şəhərdə 3 minə yaxın küçə, prospekt var. Lakin bu il cəmi 30 küçəyə vəsait ayrılıb. Sürücülər yollarda avtomobil istifadə edə bilmirlər. Xahiş edirəm, bu məsələyə də baxılsın”.

Onun sözlərinə görə, bununla yanaşı bildiyimiz kimi bazarlarda qiymətlər od-tutub yanır: “Xüsusilə meyvələrin qiymətinin baha olması hər kəsi narahat edir. Mən araşdırdım, kəndlərdə qiymətlər elə də baha deyil. Burada problem məhz məhsulun bölgələrdən gətirilməsi zamanı daşınma şirkətlərinin qiymətlərinin qaldırılmasıdır. Təklif edirəm ki, “Kənddən Şəhərə” layihəsinin miqyasını daha da böyütmək lazımdır ki, şəhər əhalisi bu meyvələri rahatlıqla əldə etsinlər”.