Dünyanın hər yerində olduğu kimi Azərbaycanda da koronavirus infeksiyası ilə mübarizədə 3-cü doza peyvəndlənmə aparılır. Ölkənin ikinci böyük şəhəri Gəncədə vaksinasiya ilə bağlı vəziyyət nə yerdədir, nə qədər sakin vaksin olunub?

Gəncədə hazırda 3-cü doza ilə bağlı 10-a yaxın vaksinasiya məntəqəsi fəaliyyət göstərir. Vətəndaşlar bu məntəqələrə müraciət etməklə vaksinasiya oluna bilərlər. Gəncədə gün ərzində 3-cü (buster) dozanı qəbul edənlərin sayına gəldikdə isə bu 500-700 nəfərə bərabərdir.

335 mindən çox əhalisi olan Gəncədə bu günədək 140 mindən artıq insana 3-cü doza vaksin vurulub. Ümumilikdə isə şəhər üzrə peyvənd olunanların sayı 280 mindən çoxdur.