"Gəncənin Cavad xan qəsəbəsində 30 minə yaxın əhali yaşasa da, bu ərazidə məktəb yoxdur. Mövcud məktəblər isə olduqca uzaq məsafədə yerləşir və gediş-gəliş şagird-valideynlər üçün çətinlik yaradır".

GancaPost.info xəbər verir ki, bunu Milli Məclisin keçirilən iclasında deputat Naqif Həmzəyev deyib.

Deputat bu qəsəbədə yeni məktəbin tikilməsi, həmçinin Gəncə şəhər 9 və 11 saylı orta məktəblərin yenidən qurulması işinin nəzərdə saxlanılmalı olduğunu vurğulayıb.